Prodhohet ora ekologjike, mbështjellësi është i punuar nga llumi i kafesë

Teknologji

Prodhohet ora ekologjike, mbështjellësi është i punuar nga llumi i kafesë

Më: 15 maj 2022 Në ora: 13:20
Foto ilustrim

Kompania gjermane ka prodhuar orën ekologjike, që e zbukurojnë materialet interesante të përpunuara.

Bëhet fjalë për kompaninë Kaffeeform që zhvilloi këtë material duke përdorur llumin e kafesë, që është marrë nga qindra kafiteri në mbarë botën.

Hulumtimet shumëvjeçare dhe eksperimentet e shumta sollën te një formulë. Në këtë mënyrë është prodhuar material i përforcuar dhe shumë i qëndrueshëm, që për bazë ka llumin e kafesë dhe materialet e tjera të riciklueshme.

Ky material fillimisht u përdor për prodhimin e filxhanëve të kafesë të quajtur Weducer, që u prezantuan në janar të këtij viti. Por, tani kompania ka zgjeruar biznesin e saj edhe tek orët e dorës.

Mbështjellësit e këtyre orëve janë prodhuar nga llumi i kafesë dhe burime tjera të ripërtërishme, të bazuara në bimë dhe gjithçka është përforcuar me biopolimer. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat