Mbyllet zyrtarisht operatori Sprint

Teknologji

Mbyllet zyrtarisht operatori Sprint

Më: 2 korrik 2022 Në ora: 11:28
Foto ilustrim

Kullat e mbetura LTE të operatorit celular Sprint kanë filluar mbylljen e tyre zyrtare, këtë e konfirmoi një zëdhënës i T-Mobile për GSM Arena.

Kanë kaluar më shumë se dy vjet që kur T-Mobile e bleu Sprint-in, duke përfshirë rrjetin, dyqanet, asetet, spektrin, kullat dhe klientët e saj.

T-Mobile e ka çaktivizuar spektrin e wireless të Sprint nga rrjetet e tij 3G dhe LTE, në mënyrë që të përshpejtojnë shtimin e gjerësisë së brezit dhe përshpejtimin e mbulimit të rrjetit të tyre 5G.

Me 66.7 milionë abonentë para bashkimit me Sprting, tani T-Mobile ka mbi 109 milionë abonentë që nga tre mujori i parë i vitit 2022 dhe është operatori i dytë në i madh në SHBA.

Ndërsa duke u bazuar në të dhënat e tre mujorit të parë, del se Verizon është operatori i parë më i madh në SHBA, operator i cili e lëshoi shërbimin 5G në këtë vend.

T-Mobile u përball me shumë pengesa dhe shtyerje nga rregullatorët dhe kritikët që kundërshtuan bashkimin mes dy kompanive për shkak të vendimeve antikonkurruese, vendime që potencialisht dëmtonin konsumatorët dhe kërcënonin vendet e punës dhe bizneset e ndryshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat