Rockstar me mesazh pas rrjedhjes së fotografive dhe videove të GTA 6

Teknologji

Rockstar me mesazh pas rrjedhjes së fotografive dhe videove të GTA 6

Më: 19 shtator 2022 Në ora: 20:02
Foto ilustrim

Kompania e lojërave Rockstar, sot gjatë ditës ka dalur me një mesazh në lidhje me rrjedhjet e fotografive dhe videove të lojës së tyre të radhës, GTA 6.

Sipas Rockstar ata së fundmi kishin një ndërhyrje në rrjetin e tyre nga e cila palët e treta në mënyrë ilegale u qasën dhe shkarkuan informata konfidenciale nga sistemi tyre.

“Së fundmi kishim një ndërhyrje në rrjet nga e cila palët e treta në mënyrë ilegale u qasën dhe shkarkuan informata konfidenciale nga sistemet tona, duke përfshirë këtu edhe pamje nga zhvillimi i hershëm i lojës së ardhshme të Grand Theft Auto. Momentalisht ne nuk parashikojmë ndonjë ndërprerje të shërbimeve të lojërave tona ose ndonjë efekt afatgjatë në zhvillimin e projekteve tona”, shkruhej në mesazhin e Rockstar të cilin ata e shpërndanë në profilet e tyre në rrjetet sociale.

“Ne jemi tejet të zhgënjyer me mënyrën e shpërndarjes së detajeve të lojës së ardhshme. Puna jonë në lojën e ardhshme të Grand Theft Auto do të vazhdojë ashtu siç e kemi planifikuar dhe ne mbetemi të përkushtuar si gjithnjë për të iu dhënë juve, lojtarëve tanë, përvojën e duhur e cila i tejkalon pritshmëritë e juaja”, vazhdonte mesazhi nga ana e tyre.

“Ne së shpejti do t’i përditësojmë të gjithë, dhe sigurisht, do të iu prezantojmë juve këtë lojë kur ajo të jetë e gatshme. Ne dëshirojmë që t’i falënderojmë të gjithë për mbështetjen e vazhdueshme gjatë kësaj situate” përfundon mesazhi nga ekipi i Rockstar Games.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat