Një dietë e ekuilibruar dhe e pasur me lëndë ushqyese ka një efekt të dobishëm në shëndet dhe është një “mburojë” kundër kancerit. Ngjyra e ushqimit është një tregues i mirë i vlerave të tyre ushqyese.
Ushqimet me ngjyrë të kuqe
Një studim me 15,000 gra tregoi se domatet mbrojnë nga kanceri i vezoreve. Një porcion katër ose më shumë herë në javë redukton rrezikun deri në 50%. Studime të tjera kanë treguar se domatet ulin rrezikun e kancerit të pankreasit. Kjo është për shkak të likopenit, i cili ka aktivitet antioksidues dhe përveç domateve gjendet edhe në specat e kuq dhe manaferrat.
Ushqimet me ngjyrë portokalli
Beta karotina, e cila i jep ngjyrë portokalli patateve të ëmbla, kungujve dhe karotave, është treguar se ka efekte antikancerogjene, pasi ndihmon në shkatërrimin e qelizave kancerogjene. Acidi kafeik, një përbërës organik që gjendet në karotat dhe patatet e ëmbla, ngadalëson përparimin e kancerit të gjirit dhe në shumë raste ndihmon në shkatërrimin e qelizave kancerogjene.
Ushqimet me ngjyrë të verdhë
Agrumet si grejpfruti, limoni dhe mandarina janë burime të shkëlqyera të vitaminës C, një antioksidant i fuqishëm që është treguar se mbron nga pothuajse të gjithë kanceret, veçanërisht nga kanceri i gojës, stomakut dhe zorrës së trashë. Këto ushqime janë gjithashtu të pasura me flavonoide, të cilat pengojnë rritjen e qelizave kancerogjene dhe detoksifikojnë trupin nga substancat e dëmshme.
Ushqimet jeshile
Studimet kanë treguar se ngrënia e perimeve si brokoli, lakra lidhet me një rrezik të reduktuar të kancerit të mushkërive, gjirit, vezoreve, stomakut dhe zorrës së trashë. Këto perime janë të pasura me komponime glikozine, të cilat mbrojnë kundër përhapjes së kancerit. Në të njëjtën kohë, ato përmbajnë vitaminë K, e cila është thelbësore për parandalimin e diabetit, një nga faktorët kryesorë të rrezikut për kancerin e pankreasit.
