Kongresi amerikan gati të votojë ndihmën prej 40 mld dollarësh për Ukrainën

Amerika

Kongresi amerikan gati të votojë ndihmën prej 40 mld dollarësh për Ukrainën

Më: 10 maj 2022 Në ora: 23:52
Dhoma e Përfaqësuesve të SHBA-së

Dhoma e Përfaqësuesve të SHBA-së e udhëhequr nga Demokratët pritet të votojë projektligjin prej afro 40 miliardë dollarësh për t’i ofruar ndihmë Ukrainës, teksa vendi vijon të përballet me sulmin brutal të Rusisë.Ndihma për Ukrainën ka qenë një pikë e diskutimit në Kapitol Hill, me demokratët dhe republikanët që mblidhen kryesisht rreth një thirrjeje për të ndihmuar vendin ndërsa përballet me sulmin rus. Legjislacioni mbi të cilin Dhoma do të votojë siguron fonde për një listë të gjatë prioritetesh, duke përfshirë ndihmën ushtarake dhe humanitare.

Të përfshira në mesin e alokimeve të legjislacionit për mbrojtjen janë 6 miliardë dollarë për të ndihmuar ushtrinë ukrainase dhe forcat e sigurisë kombëtare, sipas aktit të lëshuar nga Dhoma e Demokratëve.

Shpenzimet do të shkojnë në drejtim të trajnimit, armëve, pajisjeve, logjistikës dhe mbështetjes së inteligjencës, si dhe nevojave të tjera.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat