Djali 3-vjeç vdes pasi ra nga kati i 29-të në Nju Jork

Amerika

Djali 3-vjeç vdes pasi ra nga kati i 29-të në Nju Jork

Më: 3 korrik 2022 Në ora: 18:14
Foto ilustrim

Një trevjeçar ka vdekur pasi ka rënë nga ballkoni i katit të 29-të të një ndërtese në Nju Jork, tha policia.

Oficerët e gjetën vogëlushin e plagosur të shtrirë në skela në nivelin e katit të tretë pasi mori një telefonatë pak pas orës 11 të së shtunës.

Djali u dërgua në një spital aty pranë ku u shpall i vdekur, thanë autoritetet.

"Ne besojmë se fëmija doli nga një dritare, por saktësisht se si ndodhi është nën hetim," tha një zëdhënës i policisë.

Ligjet e qytetit të Nju Jorkut kërkojnë që pronarët e ndërtesave me tre nga më shumë apartamente duhet të instalojnë mbrojtëse dritaresh nëse një fëmijë i moshës 10-vjeç e poshtë jeton atje.

Ata gjithashtu duhet t'i instalojnë këto mbrojtëse nëse një qiramarrës ose banor kërkon që ta bëjnë këtë.

Nuk dihet nëse në këtë apartament të veçantë në rezidencat Taino Towers në Harlem janë instaluar ndonjë mbrojtës dritareje.

Një zëdhënës i policisë tha se vdekja e fëmijës është nën "hetim aktiv" dhe se oficerët po flasin me dy individë që ishin brenda banesës kur djali u rrëzua.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat