Një person nga Tajvani është gjobitur me 35,000 dollarë për shkeljen e vazhdueshme të karantinës.
Ky person, i cili jeton në Taichung në Tajvanin qendror, po kalonte një karantinë në shtëpi në apartamentin e tij pasi u kthye nga një udhëtim biznesi në territorin e Kinës.
Ndërkohë, ai e shkeli karantinën të paktën shtatë herë, sipas mediave lokale.
Sipas TTV News, ai u largua nga banesa e tij shtatë herë në vetëm tre ditë për të shkuar në pazar, për të marrë makinën e tij të rregulluar dhe aktivitete të tjera.
Ai thuhet se u grind me një nga fqinjët e tij kur ata u konfrontuan me të në lidhje me largimin nga shtëpia e tij gjatë karantinës.
Qeveria lokale e Taichung konfirmoi se ky person u kthye nga kontinenti në 21 janar.
Rregulloret e Tajvanit kërkojnë karantinën për 14 ditë në raste të tilla.
Kryebashkiaku i Taichung, Lu Shiow-jen e denoncoi aktin si “një shkelje serioze” dhe shtoi se perosni “duhet të dënohet me ashpërsi”.
Përveç gjobës – e cila është më e larta që është vendosur deri më tani në Tajvan – ai do të duhet të paguajë 107 dollarë në ditë për koston e karantinës së tij.
Tajvani ka qenë një nga historitë më të mëdha të suksesit në botë kur bëhet fjalë për të përmbajtur koronavirusin.
