Irak, vriten dy ushtarë gjatë një sulmi

Azia

Irak, vriten dy ushtarë gjatë një sulmi

Më: 22 korrik 2021 Në ora: 06:51
Foto ilustrim

Dy ushtarë irakianë kanë humbur jetën, ndërsa tre të tjerë janë plagosur gjatë një sulmi në krahinën veriore Salahuddin të Irakut.

“Njerëz të armatosur të paidentifikuar që besohet të jenë të lidhur me grupin terrorist DEASH sulmuan selinë e Brigadës së 66-të të Ushtrisë në zonën Mutaibija në pjesën veriore të provincës”, tha një oficer policie.

Në muajt e fundit, terroristët e dyshuar të DEASH-it kanë shtuar sulmet në Irak, veçanërisht në zonën midis provincave veriore Kirkuk, Salahuddin dhe Diyala.

Grupi terrorist po ashtu mori përgjegjësinë për shpërthimin vdekjeprurës të hënën në kryeqytetin Bagdad të Irakut, që shkaktoi vdekjen e 30 personave dhe plagosi 60 të tjerë.//AA

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat