Tokio ka raportuar 5 mijë e 42 raste të reja me COVID-19 të enjten, duke arritur kështu një rekord në këtë qytet që kur ka filluar pandemia.
Rastet shtesë e kanë çuar totalin në Tokio në 236 mijë e 138, ndërkaq në mbarë vendin, Japonia raportoi më shumë se 14 mijë raste të mërkurën me një total prej 970 mijë.
Tokio ka qenë nën një gjendje të jashtëzakonshme që nga mesi i korrikut, pasi masat mbrojtëse kundër COVID-19 po injorohen gjithnjë e më shumë nga publiku, i cili është lodhur nga kufizimet, shkruan AP.
Ndërkaq kryeministri japonez, Yoshihide Suga, ka mohuar se Lojërat Olimpike kanë shkaktuar rritjen e infeksioneve.
