Vodhi telefonin e gazetarit derisa ky i fundit ishte ‘live’ – hajduti tregon fytyrën para mijëra njerëzve

Azia

Vodhi telefonin e gazetarit derisa ky i fundit ishte ‘live’ – hajduti tregon fytyrën para mijëra njerëzve

Më: 21 tetor 2021 Në ora: 16:14
Pamje nga videoja

Një burrë në Egjipt u arrestua pasi dyshohet se vodhi telefonin e një gazetari duke ia marrë nga duart gjatë një transmetimi të drejtpërdrejtë.

Sipas The Guardian, Mahmoud Ragheb, një reporter për faqen e lajmeve Youm7, po filmonte drejtpërdrejtë nga rrugët e Kajros pasojat e një tërmeti, kur një burrë me motoçikletë kaloi me shpejtësi dhe ia mori telefonin.

Hajduti i dyshuar e transmetoi pa e ditur fytyrën e tij te mijëra shikues, derisa iku nga vendi i ngjarjes duke tymosur një cigare.

Më shumë se 20 mijë njerëz po shikonin transmetimin e drejtpërdrejtë në atë kohë, sipas shifrave të Facebook.

Shumë persona vendosën t’i bashkoheshin kërkimit për gjetjen e tij pasi kamera e telefonit ishte duke u rrotulluar dhe pamjet e incidentit qarkulluan gjerësisht në mediat sociale.

Zyrtarët nga Ministria e Brendshme thanë se ata përdoren “teknologji moderne” për të identifikuar të dyshuarin nga transmetimi i drejtpërdrejtë, raportoi Youm7. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat