Shuplakë në mes të fjalimit, ushtari hyn në skenë dhe e godet guvernatorin

Azia

Shuplakë në mes të fjalimit, ushtari hyn në skenë dhe e godet guvernatorin

Më: 24 tetor 2021 Në ora: 11:15
Foto ilustrim

Prezantimi i guvernatorit të sapoemëruar iranian, Zeinolabedin Khorram-Razavi u ndërpre në mënyrë dramatike pasi një burrë doli në podium dhe e goditi me shuplakë.

Incidenti ndodhi teksa Khorrami, guvernatori i ri i provincës së Azerbajxhanit Lindor, po mbante një fjalim në xhaminë e Imam Khomeinit në qytetin e Tabrizit në verilindje të vendit, raporton CNN.

Një video e postuar në internet nga agjencia gjysmë-zyrtare iraniane e lajmeve, Fars shfaqin një burrë që i afrohet me qetësi Khoramit, duke e goditur me shuplakë dhe më pas duke e larguar. Pamjet shfaqin sigurimin duke vrapuar dhe më pas duke e tërhequr zvarrë protestuesin, i cili u identifikua si Ayuba Alizadeh, anëtar i forcave të armatosura iraniane.

Në këtë aktivitet morën pjesë ministri i Punëve të Brendshme të Iranit, përfaqësues të zyrës së Ajatollah Khameneit dhe zyrtarë të tjerë të lartë shtetëror.

Në një intervistë për televizionin shtetëror IRIB, guvernatori i ri tha se nuk e njeh personalisht autorin.

Motivi i sulmit ende nuk është përcaktuar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat