Adoleshenti therr të motrën për “çështje nderi” sipas këshillës së familjarëve në Indi

Azia

Adoleshenti therr të motrën për “çështje nderi” sipas këshillës së familjarëve në Indi

Më: 7 dhjetor 2021 Në ora: 16:43
Kirti Thore u vra në fshatin Ladgaon pasi ishte larguar për t’u martuar me një djalë

Një adoleshent në Indi dhe nëna e tij janë arrestuar për vrasjen çnjerëzore të motrës së tij shtatzënë e cila besohet se ishte larguar për t’u martuar kundër dëshirës së familjes së saj.

Fqinjët e familjes thanë se adoleshenti më pas kishte bërë foto me kufomën e të motrës 19 vjeçare duke u mburrur me makabritetin që familjarët e konsideronin “çështje nderi”.

Kirti Thore u vra në fshatin Ladgaon pasi ishte larguar për t’u martuar me një djalë, në kundërshtim të dëshirave të familjes dhe traditës fisnore të vendit.

Vrasja ndodhi mesditën e të dielës kur Shobhabai Mote dhe djali i saj – i cili raportohet 17 ose 18 vjeç – shkoi të takohej me Kirti në shtëpinë e saj.

Ajo jetonte me familjen e bashkëshortit të ri, në një dhomë pranë fermës së tyre raporton rrjeti vendas One India.

Komisioneri i policisë Kailash Prajapati tha se vëllai i Kirti e sulmoi atë nga prapame drapër duke e masakruar.

“[Kirti] po punonte në fushë me vjehrrën e saj. Kur pa nënë e vëllanë e saj ajo la punën dhe shkoi t’i përshendeste, ajo i ftoi në shtëpi dhe shkoi t’i përgatiste çaj, por i vëllai e sulmoi nga prapa duke e lënë të vdekur,” tha Prajapati,raporton NDTV.

Ai shtonte: “Bashkëshorti i saj ishte i sëmurë dhe qëndronte shtrirë në shtëpi. Por nga zhurma e përleshjes ai u zgjua dhe pa masakrën. Vëllai i gruas kishte tentuar ta vriste dhe atë por bashkëshorti arriti të shpëtonte. Vëllai vrasës u dorëzua më vonë në polici”.

Image
Nena e viktimes Shobhabai Mote
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat