Pas SHBA-së dhe Kinës, India është konsumatori i tretë më i madh i naftës, mbi 80% e së cilës importohet. Në vitin 2021, vendi bleu rreth 12 milionë fuçi naftë nga Rusia, që është vetëm rreth 2% e importeve të saj.
Rusia po kërkon të shesë naftën e saj me zbritje në tregje të reja pasi sanksionet perëndimore kanë dëmtuar ekonominë e vendit - dhe India po përfiton nga këto zbritje, raportob BBC, transmeton “Bota sot”.
Në janar dhe shkurt, India nuk importoi naftë nga Rusia. Por që atëherë, porositë për gjashtë milionë fuçi janë bërë tashmë, thotë Kpler, një grup kërkimor për mallra.
Pasi Rusia pushtoi Ukrainën, kishte më pak blerës për naftën bruto Ural të Rusisë dhe çmimi i saj ka rënë.
Analistët në Kpler thonë se ndërsa çmimi i saktë nuk dihet, zbritja e Uraleve ndaj naftës së papërpunuar Brent - e cila është standardi global për naftën e papërpunuar - u zgjerua në 30 dollarë për fuçi.
Ky zhvlerësim i çmimit të Uralit "do të thotë se India dhe Kina ka të ngjarë të blejnë të paktën një pjesë të kësaj nafte bruto [ruse] me një zbritje të konsiderueshme", thotë Matt Smith, një analist në Kpler.
