Shkuan për të parë balena, zhduket anija me 26 persona në brigjet e Japonisë

Azia

Shkuan për të parë balena, zhduket anija me 26 persona në brigjet e Japonisë

Më: 23 prill 2022 Në ora: 18:38
Foto ilustrim

Një varkë turistike me 26 persona në bord, duke përfshirë dy fëmijë, është zhdukur në veri të Japonisë pa asnjë shenjë të të mbijetuarve.

Anija bëri një thirrje urgjence të shtunën pasdite, duke thënë se harku i anijes ishte përmbytur dhe kishte filluar të fundosej dhe të anohej.

Anija po udhëtonte në brigjet perëndimore të gadishullit Shiretoko, në ishullin verior të Hokkaido.

Që atëherë nuk ka pasur asnjë kontakt nga anija.

Anija mbante 24 pasagjerë, dy prej të cilëve fëmijë, si dhe dy anëtarë të ekuipazhit.

Gjashtë anije patrullimi, katër avionë dhe zhytës janë dërguar në zonë për të kërkuar ndonjë të mbijetuar.

Mediat lokale thanë se anijet e peshkimit ishin kthyer në port para mesditës për shkak të motit të keq.

Yoshihiko Yamada, një profesor i shkencave detare në Universitetin Tokai, tha se anija kishte të ngjarë të ishte përmbytur pasi u hodh nga dallgët e larta, më pas u dëmtua dhe u përmbyt, para se ndoshta të fundosej.

Akademiku tha gjithashtu se kishte një shans të vogël që varka të ishte goditur nga një balenë, raporton Sky News.

Pasagjerët shkuan për një turne qëzgjat rreth tre orë dhe ofron një pamje piktoreske të bregut perëndimor të gadishullit, duke përfshirë kafshë të tilla si balenat, delfinët dhe arinjtë kafe.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat