Sheikh Mohamed bin Zayed bin Sultan Al Nahyan bëhet president i ri i Emirateve të Bashkuara Arabe

Azia

Sheikh Mohamed bin Zayed bin Sultan Al Nahyan bëhet president i ri i Emirateve të Bashkuara Arabe

Më: 14 maj 2022 Në ora: 13:13
Sheikh Mohamed bin Zayed bin Sultan Al Nahyan

Këshilli i Lartë Federal i Emirateve të Bashkuara Arabe zgjodhi të shtunën sundimtarin e Abu Dhabit, Sheikh Mohamed bin Zayed bin Sultan Al Nahyan, si president të ri të Emirateve të Bashkuara Arabe.

Kështu, Sheikh Mohammed (61) u bë presidenti i tretë i Emirateve të Bashkuara Arabe ndërsa raportohet se ai ka një pasuri që kap shifrat e 15 miliardë dollarëve, raporton reuters.

Sundimtari i Dubait dhe kryeministri i Emirateve të Bashkuara Arabe, Sheikh Mohammed bin Rashid al Maktoum, thuhet se është pajtuar me këtë lëvizje dhe i ka uruar suksese Al Nahyanit.

Ish-presidenti i Emirateve të Bashkuara Arabe, Khalifa bin Zayed al Nahyan ndërroi jetë të premten, më 13 maj.

Këshilli i Lartë Federal u mblodh sot për të zgjedhur presidentin e ri të Emirateve të Bashkuara Arabe.

Në takim morën pjesë krerët e të shtatë emirateve. Bin Zayed Al Nahyan do të shërbejë një mandat pesë-vjeçar.

Ndryshe, Atifete Jahjaga në cilësinë e presidentes së Kosovës ishte takuar me Sheikhun në vitin 2014.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat