Ish-ministri i Jashtëm i Koresë së Veriut, Ri Yong-ho dyshohet se është ekzekutuar. The Sun shkruan se Ri Yong-ho, kryediplomati i cili më parë ishte ambasador i Koresë së Veriut në Britani dhe fliste rrjedhshëm anglisht, thuhet se u ekzekutua pasi u “spastrua” nga administrata e Kim.
Në vitin 2016, ai u emërua ministër i Jashtëm nga Kim dhe u bë i famshëm për konfrontimet e tij të zjarrta me homologët e tij amerikanë.
Në një fjalim të paharrueshëm të mbajtur në asamblenë e përgjithshme të OKB-së në vitin 2017, Ri e përshkroi presidentin e atëhershëm Donald Trump si një “mbret gënjeshtar” dhe “president i keq”.
Por më vonë ai luajti një rol kyç në negociatat mes dy vendeve. Ai drejtoi bisedimet të mbajtura midis Trump dhe Kim në Singapor.