Izraeli do të dërgojë për herë të parë ndihma në Siri. Bëhet fjalë për trupa që do t’i vijnë në ndihmë vendit pas tërmetit shkatërrues, raporton Sky News.
Duke folur në një konferencë për shtyp, kryeministri izraelit Benjamin Netanyahu tha se një kërkesë ishte bërë nga regjimi i Asadit. Ai shtoi se ndihma izraelite do të dërgohet edhe në Turqi.
Zyrtarët sirianë kanë raportuar se qindra janë vrarë në vendin e shkatërruar nga lufta civile, si në zonat nën kontrollin e Damaskut ashtu edhe në veriperëndimin e kontrolluar nga opozita.
Izraeli dhe Siria kanë qenë në gjendje lufte për dekada, me periudha armëpushimi. Për një kohë, Izraeli ndihmoi rebelët sirianë në kufirin e Lartësive të Golanit.
