Një grua amerikano-izraelite ka vdekur pas 22 vitesh në gjendje kome nga plagët e pësuara në një sulm vetëvrasës palestinez në një restorant picash në Jerusalem.
Sipas mediave të huaja, Chana Nachenberg ishte 31 vjeçe në kohën e sulmit në picerinë Sbarro, ku u vranë 15 persona të tjerë, përfshirë shtatë fëmijë dhe një grua shtatzënë.
Ajo është shtetasja e tretë amerikane që vdes si rezultat i bombardimeve në gusht të vitit 2001.
Dhe SHBA po kërkon ekstradimin nga Jordania të një gruaje të dënuar nga Izraeli për vrasje për rolin e saj në sulm.
Ahlam Tamimi, e cila ka lindur në Bregun Perëndimor të pushtuar dhe ka nënshtetësi jordaneze, ishte dënuar nga një gjykatë izraelite në vitin 2003.
Ajo u lirua në vitin 2011 si pjesë e një marrëveshjeje për lirimin e një ushtari izraelit të mbajtur rob për më shumë se pesë vjet nga militantët palestinezë të Hamasit në Gaza.
Tamimi thuhet se ndihmoi bombarduesin, Izz al-Din Shuheil al-Masri, të kryente sulmin. Ajo u vendos në Jordani pas lirimit të saj dhe ka folur “me krenari” për përfshirjen e saj në ngjarje.
