LIVE: Vjen paralajmërimi për Hamasin, Izraeli të bindur: Lufta nuk do zgjasë vetëm disa muaj!

Ministri i Mbrojtjes i Izraelit, Yoav Gallant, i tha këshilltarit amerikan për sigurinë kombëtare, Jake Sullivan, se lufta kundër Hamasit në Gaza do të zgjasë "më shumë se disa muaj".

“Hamasi është një organizatë terroriste që ndërtoi veten gjatë një dekade për të luftuar Izraelin, dhe ata ndërtuan infrastrukturë nën tokë dhe mbi tokë, dhe nuk është e lehtë t'i shkatërrosh.

Do të kërkojë një periudhë kohore - do të zgjasë më shumë se disa muaj, por ne do të fitojmë dhe do t'i shkatërrojmë", tha Gallant, sipas një transkripti të takimit të lëshuar nga ministria e mbrojtjes të enjten, raporton CNN, transmton "Bota sot".

Gallant falënderoi gjithashtu Sullivanin për mbështetjen e SHBA-së për fushatën e Izraelit në Gaza, duke thënë: "Shtetet e Bashkuara dhe Izraeli ndajnë interesa të përbashkëta, vlera të përbashkëta; dhe në këtë luftë, ne gjithashtu ndajmë qëllime të përbashkëta."

Ministria e shëndetësisë e drejtuar nga Hamasi thotë se të paktën 18,787 njerëz janë vrarë dhe 50,897 të tjerë janë plagosur në sulmet izraelite në Gaza që nga 7 tetori.

Shifrat shënojnë një rritje prej afro 180 vdekjesh që nga përditësimi i mëparshëm dje pasdite, shkruan Sky News.

Ndërkaq, ministri i Mbrojtjes i Izraelit ka paralajmëruar se Hamasi nuk do të mposhtet në Gaza së shpejti.

Yoav Gallant i tha këshilltarit të sigurisë kombëtare të Shtëpisë së Bardhë, Jake Sullivan, i cili është për një vizitë në Lindjen e Mesme, se organizata militante ka ndërtuar “infrastrukturën e saj nën tokë dhe mbi tokë.

Gati tre të katërtat e palestinezëve besojnë se sulmet e 7 tetorit nga Hamasi në Izraelin jugor ishin "të sakta", sipas një sondazhi të ri.

Sondazhi i kryer nga Qendra Palestineze për Anketën dhe Kërkimin e Politikave zbuloi se 72% e palestinezëve e mbështetën vendimin, ndërsa 22% thanë se ishte "i pasaktë".

Pjesa tjetër ishin të pavendosur ose nuk u përgjigjën, raporton Skynews, transmeton "Bota sot".

Sipas sondazhit të paraluftës të PCPSR, mbështetja për Hamasin është rritur në Gaza dhe më shumë se trefishuar në Bregun Perëndimor, ku dhuna është në nivelin më të lartë në vite.

Rreth 52% e të anketuarve në Gaza dhe 85% në Bregun Perëndimor thanë se ishin të kënaqur me rolin e Hamasit në luftë.

IDF ka pezulluar ushtarët që janë filmuar duke kënduar lutje hebraike brenda një xhamie në Jenin, në Bregun Perëndimor të pushtuar.

Pamjet u shfaqën në mediat sociale të forcave izraelite brenda xhamisë me këpucët e tyre, duke marrë kontrollin e altoparlantit në një sallë lutjesh, raporton Sky news, trasnmeton "Bota sot".

IDF tha se ushtarët vepruan kundër "kodeve të sjelljes brenda një institucioni fetar" dhe u hoqën menjëherë nga aktiviteti operacional.

"Sjellja e ushtarëve në video është serioze dhe është në kundërshtim të plotë me vlerat e IDF. Ushtarët do të disiplinohen në përputhje me rrethanat," tha ushtria.

Ministria palestineze e shëndetësisë tha më herët se të paktën 11 palestinezë ishin vrarë gjatë një sulmi izraelit në Jenin, i cili filloi të martën. Hamasi nuk ka autoritet në Bregun Perëndimor.

During IDF operational activity in close proximity to a mosque in Jenin, soldiers acted against IDF codes of conduct within a religious establishment.

The soldiers were immediately removed from operational activity, after receiving the videos and after an initial inspection of…

— Israel Defense Forces (@IDF) December 14, 2023

Grupi militant palestinez Hamas ka publikuar pamjet e betejës së ashpër në jug të Rripit të Gazës, ku shihen pjesëtarët e këtij grupi duke shkrepur predha mbi mjetet e blinduara izraelite dhe marrin pjesë në luftime të ashpra.

Në video mund të shihen pjesëtarët e Brigadës Izz ad-Din Qassam duke gjuajtur mjetet e izraelitëve në Gazë, kurse në fund të video shihet sesi kanë arritur të kapin një mjet të blinduar të IDF-së izraelite.

Hamasi përdori predhat Yassin-105 që janë prodhuar brenda Rripit të Gazës, e pamjet e luftimeve janë realizuar në Khan Younis në jug të Rripit të Gazës.

⚡️Hamas releases a crazy video showing their fighters targeting Israeli militants and capturing an Israeli armoured vehicle pic.twitter.com/VGahygRhPy

— War Monitor (@WarMonitors) December 13, 2023

Izraeli javën e kaluar vazhdoi ofensivën ushtarake në Rripin e Gazës, pas përfundimit të armëpushimit njëjavor me Hamasin.

Nga ana tjetër, nga ministria palestineze e Shëndetësisë është bërë e ditur se në Rripin e Gazës deri më tani janë vrarë 18.608 palestinezë dhe mbi 50.594 tjerë janë plagosur, si pasojë e sulmeve ajrore dhe atyre tokësore të ushtrisë izraelite.

Mijëra ndërtesa, përfshirë spitale, xhami e kisha janë shkatërruar nga sulmet izraelite në enklavën e pushtuar. 

17 gazetarë janë vrarë duke mbuluar luftën e nisur mes Izraelit dhe Hamasit, e cila shpërtheu më 7 tetor, sipas organizatës joqeveritare ndërkombëtare Reporterët pa Kufi (RWB).

Nga këta 13 u vranë në Rripin e Gazës, thotë RWB.

Por nëse përfshihen gazetarët e vrarë në “rrethana të padëshmuara se kanë lidhje me detyrat e tyre”, gjithsej 63 janë vrarë në luftë.

Të dhënat ishin të sakta që nga 1 dhjetori, shkruan BBC.

Ministria e Shëndetësisë e udhëhequr nga Hamasi ka bërë të ditur se tre palestinezë janë vrarë në një bastisje të vazhdueshme izraelite në një qytet në Bregun Perëndimor.

Përmes një deklarate, ministria tha se një i ri vdiq mëngjesin si pasojë e “agresionit” të vazhdueshëm izraelit në Jenin, shkruan Sky News.

Dy palestinezë të tjerë u vranë gjatë natës, shtoi ministria, derisa bëri të ditur se numri i të vrarëve ka shkuar në 11 që nga e marta, kur edhe ishte fillimi i operacionit izraelit.

Ministria e shëndetësisë në Gaza, e cila kontrollohet nga Hamasi, thotë se sulmet ajrore izraelite herët në mëngjesin e së enjtes vranë të paktën 19 persona.

Ka pasur shenja në rritje të mosmarrëveshjes midis Izraelit dhe aleatit të tij më të ngushtë, SHBA-së, përpara ardhjes së këshilltarit të sigurisë kombëtare të Shtëpisë së Bardhë, Jake Suillivan.

Këtë javë, presidenti Joe Biden fajësoi "bombardimin pa dallim" të Gazës nga Izraeli për humbjen e mbështetjes globale për luftën e tij ndaj Hamasit.

Përpara udhëtimit të tij, Sullivan u citua të thoshte se ai do të diskutonte një afat kohor për t'i dhënë fund luftës dhe do t'u kërkonte udhëheqësve izraelitë të "kalojnë në një fazë tjetër nga lloji i operacioneve me intensitet të lartë që shihen sot".

Duke reaguar ndaj thirrjeve në rritje ndërkombëtare për një armëpushim, kryeministri i Izraelit, Benjamin Netanyahu, u tha ushtarëve në Gaza: "Ne po vazhdojmë derisa Hamasi të asgjësohet... Asgjë nuk do të na ndalojë".

Organi i ministrisë izraelite të mbrojtjes që mbikëqyr politikën për territoret palestineze, Cogat, ka publikuar një video, e cila thotë se tregon se persona të armatosur të Hamasit kapin "dhunshëm" një autokolonë ndihmash humanitare dhe qëllojnë mbi civilët.

Videoja tregon figura me kapuç që qëndrojnë në pjesën e pasme të disa kamionëve, duke qëlluar drejt njerëzve teksa kalojnë me makinë.

Është e paqartë se në cilën pjesë të Gazës është filmuar videoja dhe BBC po punon për të verifikuar saktësinë e saj.

Izraeli hapi kalimin e mallrave Kerem Shalom me Gazën të martën për kontrolle sigurie mbi dërgesat e ndihmave të dërguara nëpërmjet Rafah.

Megjithatë, OKB thotë se aftësia e saj për të marrë ndihma të ardhura është duke u dëmtuar ndjeshëm nga mungesa e kamionëve brenda Gazës; mungesa e karburantit; ndërprerjet e telekomunikacionit; dhe numri në rritje i stafit të paaftë për të arritur në vendkalimin Rafah të sigurt për shkak të intensitetit të armiqësive në jug.

Shpërndarja e ndihmave gjithashtu është ndalur kryesisht jashtë zonës Rafah për shkak të luftimeve. Izraeli ka kufizuar ndjeshëm furnizimet me karburant, duke argumentuar se mund të vidhet nga Hamasi dhe të përdoret për qëllime ushtarake.

Shpërthim pas shpërthimi po kumbojnë nga drejtimi i territorit palestinez ndërsa avionët kalojnë.

I filmuar në një distancë nga kufiri brenda Izraelit, rryma tregon vetëm një qiell mjaft të kthjellët mëngjesi me pak re.

Të paktën kjo mund të sjellë lehtësim për mijëra Gazanë të pastrehë që po luftojnë me shiun e dimrit këtë javë teksa strehohen në tenda.