Shërbimi i Sigurisë Kombëtare i Irakut (INSS) njoftoi se forcat e tij vranë një militant të lartë të Shtetit Islamik (ISIS) në një operacion brenda territoreve siriane. Duke vepruar sipas raporteve të inteligjencës dhe koordinimit me koalicionin ndërkombëtar, forcat INSS u përleshën me një militant të quajtur Abu Zainab dhe e vranë pasi e kishin rrethuar në ditët e kaluara në provincën siriane al-Rappa, tha INSS në një deklaratë.
Abu Zainab ka punuar në zona të ndryshme, veçanërisht në zonat e shkretëtirës pranë qyteteve al-Seneia në provincën Salahudin dhe al-Baaj në provincën Nineveh, thuhet në deklaratë.
Ai gjithashtu mori pjesë në shumë sulme ndaj forcave irakiane të sigurisë dhe ishte përgjegjës për kontrabandën e armëve dhe luftëtarëve midis Irakut dhe sirisë, sipas deklaratës.
Situata e sigurisë në Irak është përmirësuar që nga disfata e ISIS në vitin 2017. Megjithatë, mbetjet e ISIS kanë hyrë fshehurazi në qendrat urbane, shkretëtira dhe zona të thyera, duke kryer sulme të shpeshta guerile kundër forcave të sigurisë dhe civilëve.
