​UNRWA përsëri bën thirrje për një armëpushim në Gaza

Azia

​UNRWA përsëri bën thirrje për një armëpushim në Gaza

Më: 15 gusht 2025 Në ora: 16:29
​UNRWA

Agjencia e Kombeve të Bashkuara për refugjatët palestinezë (UNRWA) ka përsëritur thirrjet e saj për një armëpushim në Gaza, duke paralajmëruar për “sfidat e mëdha” me të cilat përballen personat me aftësi të kufizuara për të pasur qasje në shërbimet thelbësore në gjithë Rripin, përfshirë ushqimin dhe kujdesin shëndetësor, mes sulmit të vazhdueshëm izraelit.

Në një postim në X, UNRWA citoi të dhëna nga Grupi Global i Mbrojtjes, sipas të cilave mbi 83 për qind e personave me aftësi të kufizuara në Gaza kanë humbur pajisjet ndihmëse të tyre, raporton kp.

UNRWA ka qenë shpërndarësi kryesor i ndihmave në Gaza dhe ka ofruar arsim, shëndetësi dhe shërbime të tjera bazë për miliona refugjatë palestinezë në gjithë rajonin.

Por një ndalim i vendosur nga Izraeli për aktivitetet e agjencisë në Gaza dhe Bregun Perëndimor të pushtuar hyri në fuqi më herët këtë vit, pasi Izraeli e akuzoi se ishte depërtuar nga Hamasi, grupi militant palestinez. Sipas Guardian, UNRWA e mohon këtë pretendim.

comment Për komente lëvizni më poshtë
Sot mund të lexoni Shfletoni kopertinat