Koreja e Veriut ka kryer një tjetër provë të lëshimit të raketave strategjike lundruese dhe raketave kundër anijeve, raportoi agjencia shtetërore e lajmeve KCNA.
Sipas raportimit, testimi që u zhvillua ishte pjesë e verifikimit të efikasitetit operacional të shkatërruesit “Choe Hyon”, një nga asetet ushtarake detare të vendit.
Udhëheqësi i Koresë së Veriut, Kim Jong Un, thuhet se ka ndjekur nga afër provën e raketave, i shoqëruar nga zyrtarë të lartë të mbrojtjes dhe komandantë të marinës.
Testimet e fundit vijnë në një kohë tensionesh të vazhdueshme në rajon, ndërsa Pheniani vazhdon të zhvillojë dhe demonstrojë kapacitetet e tij ushtarake, pavarësisht presionit dhe sanksioneve ndërkombëtare.
