Rrëzohet aeroplani ushtarak, vdesin të gjithë që ishin brenda

Bota

Rrëzohet aeroplani ushtarak, vdesin të gjithë që ishin brenda

Më: 21 shkurt 2021 Në ora: 17:58
Foto ilustrim

Shtatë vetë mbetën të vdekur sot nga rrëzimi i një aeroplani ushtarak jo shumë larg Abujas në Nigeri, njoftoi ushtria nigeriane.

Një aeroplan i ushtrisë nigeriane u rrëzua pranë Aeroportit Ndërkombëtar Namdi Azikive në Abuja, tha zëdhënësi i aeroportit.

Sipas tij, avioni u rrëzua ndërsa po afrohej në pistë.

Shkaku i aksidentit nuk dihet ende, megjithëse disa zyrtarë atje përmendën faktin se piloti raportoi një problem me një nga motorët e avionit gjatë fluturimit.

“Një aeroplan i Forcave Ajrore Nigeriane u rrëzua gjatë kthimit në aeroportin e Abujas për shkak të një problemi me motor”, tha ushtria, duke shtuar se të gjithë në aeroplan, shtatë prej tyre, vdiqën. 

comment Për komente lëvizni më poshtë
Sot mund të lexoni Shfletoni kopertinat