Kryeministri izraelit, Benjamin Netanyahu, ka mbrojtur veprimin e policisë kundër protestuesve palestinezë pas dy netëve përleshje në Jeruzalem.
Ai tha se Izraeli nuk do të lejojë asnjë element radikal të prishë qetësinë në qytet.
Tensionet janë përshkallëzuar në Jeruzalemin Lindor që nga fillimi i muajit të shenjtë mysliman të Ramazanit në mes të prillit, me një seri ngjarjesh që çuan trazirat, raporton BBC.
Përplasjet shpërthyen çdo natë midis policisë dhe Palestinezëve që protestuan kundër barrierave të sigurisë jashtë Portës së Damaskut, të cilat i kishin penguar ata të mblidheshin atje gjatë mbrëmjes.
Fati i Jeruzalemit Lindor shkon në zemër të konfliktit Izraelo-Palestinez, me të dy palët që pretendojnë të drejtën për të. Izraeli aneksoi Jeruzalemin Lindor në vitin 1980, në një lëvizje që nuk njihet nga shumica dërrmuese e komunitetit ndërkombëtar dhe e konsideron të gjithë qytetin kryeqytetin e tij.
Palestinezët pretendojnë Jeruzalemin Lindor si kryeqytetin e ardhshëm të një shteti të pavarur të shpresuar.
