​Shpërthim në një xhami në Afganistan, ka të plagosur

Bota

​Shpërthim në një xhami në Afganistan, ka të plagosur

Më: 12 nëntor 2021 Në ora: 12:34
Foto ilustrim

Të paktën 15 persona kanë mbetur të plagosur nga një shpërthim në një xhami në Afganistan, i cili ka ndodhur gjatë namazit të sotëm.

Shpërthimi ndodhi në rrethin Spin Ghar në provincën Nangarhar, raportoi CNN. Mes të plagosurve është edhe një imam.

Një zyrtar i paidentifikuar i talebanëve konfirmoi shpërthimin dhe mundësinë e lëndimeve të shumta.

Deri më tani, askush nuk e ka marrë përgjegjësinë për sulmin, i fundit në një seri sulmesh në xhami në të gjithë Afganistanin që vë në pikëpyetje deklaratat e talebanëve se ata siguruan paqen në vend pas dekadash lufte.

Xhamia në Nangarhar vizitohet nga myslimanët sunitë, ndërsa sulmet e mëparshme, që nga ardhja e talebanëve në pushtet, kanë shënjestruar xhamitë shiite, veçanërisht ato të frekuentuara nga anëtarët e grupit etnik të minoritetit Khazar.

Sulmet ndaj xhamive shiite u kryen nga grupi militant sunit, Shteti Islamik.

commentFirst article
Sot mund të lexoni Shfletoni kopertinat