Temperatura shkon në 50 gradë në Australi

Bota

Temperatura shkon në 50 gradë në Australi

Më: 13 janar 2022 Në ora: 21:07
Ilustrim

Autoritetet australiane kanë raportuar se temperaturat të enjten kanë arritur në 50.7 gradë Celsius, duke barazuar rekordin e vitit 1962.

Kjo temperaturë e lartë është raportuar në Onslou të Australisë Perëndimore, ndërsa rekordi i viteve më parë ishte regjistruar në jug të Australisë. Onslou dhe rajonet përreth, mund të regjistrojnë temperatura rekorde sërish, pasi moti pritet të jetë edhe më i nxehtë të premten.

Australia Perëndimore është përballur me zjarre të mëdha muajin e kaluar. Si pasojë janë djegur mbi 6,000 hektarë tokë dhe shumë persona janë evakuuar nga banesat e tyre.

Përveç Onslout, edhe qytezat e tjera si, Mardi dhe Robërn, kanë regjistruar temperatura mbi 50 gradë Celsius të enjten. Valët e nxehtësisë janë duke u bërë gjithmonë e më ekstreme, për shkak të ndryshimeve klimatike, të nxitura nga njeriu. Bota është ngrohur me 1.2 gradë Celsius prej nisjes së epokës industriale dhe temperaturat pritet të rriten përsëri, nëse vendet më të fuqishme të botës nuk do marrin masa për të ndalur rritjen e temperaturës globale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat