Sulmohet kolona civile, vdesin disa persona

Bota

Sulmohet kolona civile, vdesin disa persona

Nga: A.M Më: 8 maj 2022 Në ora: 14:28
Foto ilustrim

Një kolonë automjetesh civile që përpiqeshin t'i shpëtonin luftimeve pranë qytetit të Kharkiv u qëlluan, ku aty mbeten të vrarë disa njerëz, tha policia e rajonit të Kharkiv. 

Serhiy Bolvinov, shefi i departamentit të hetimit, tha se policia kishte humbur kontaktin me kolonën disa ditë më parë, raporton CNN, përcjell "Bota sot".

Kishte 15 makina që udhëtonin pranë fshatit Staryi Saltiv, i cili ka pasur luftime të ashpra ditët e fundit ndërsa forcat ukrainase kanë nisur një kundërsulm kundër rusëve në lindje të Kharkiv.

Në atë kohë, kolona po përpiqej të arrinte në territorin e kontrolluar nga ukrainasit, tha Bolvinov.

“Për shkak të luftimeve të vazhdueshme, nuk ishte e mundur të arrihej në vendin e kolonës”, tha Bolvinov.

Rrënojat e autokolonës u gjetën të premten, tha ai. Pasi mbërritën në vendngjarje, hetuesit gjetën një tank të thyer të armikut dhe trupat e dy ushtarëve rusë, raporton CNN, përcjell "Bota sot".

300 metra më tej, u gjetën gjashtë makina me vrima plumbash. Katër trupa u gjetën në makina dhe, sipas Bolvinov, dukej se ishin disa nga civilët që kishin qenë në kolonë.

Eshtrat e një vajze 13-vjeçare ishin identifikuar pozitivisht, tha ai.

Bolvinov nuk dha detaje se çfarë mund të ketë ndodhur me automjetet e tjera në kolonë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat