ShBA-ja dhe Britania e Madhe akuzojnë Rusinë për dezinformim

Bota

ShBA-ja dhe Britania e Madhe akuzojnë Rusinë për dezinformim

Më: 24 maj 2022 Në ora: 06:31
Vladimir Putin

ShBA-ja dhe Mbretëria e Bashkuar kanë akuzuar Rusinë për përhapjen e dezinformatave në internet dhe manipulimin e opinionit publik në lidhje me luftën në Ukrainë, duke hedhur poshtë me forcë pretendimet ruse se Perëndimi synon të kontrollojë të gjitha flukset e informacionit dhe të përcaktojë se çfarë është e vërtetë apo jo.

Zëvendësambasadori i Mbretërisë së Bashkuar, James Roscoe, tha në një takim të Këshillit të Sigurimit të OKB-së se Rusia ka kryer sulme kibernetike dhe ka manipuluar opinionin publik rreth luftës së tyre.

Ambasadorja e ShBA-së, Linda Thomas-Greenfield, tha se Moska “vazhdon të mbyllë, të kufizojë dhe të degradojë lidhjen e internetit, të censurojë përmbajtjen, të përhapë dezinformata në internet dhe të frikësojë dhe arrestojë gazetarët për raportimin e së vërtetës për pushtimin e saj”.

Ambasadori i Rusisë në OKB, Vassily Nebenzia, akuzoi vendet që e quajnë veten një “komunitet të demokracive” për ndërtimin e “një totalitarizmi kibernetik” dhe – së bashku me gjigantët e teknologjisë si Meta – për mbylljen e kanaleve televizive ruse, dëbimin e gazetarëve rusë dhe bllokimin e aksesit në faqet e internetit ruse.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat