​Mbi 20 të vrarë në Rio de Zhaneiro

Bota

​Mbi 20 të vrarë në Rio de Zhaneiro

Më: 24 maj 2022 Në ora: 23:58
Foto ilustrim

Të paktën 21 persona u vranë gjatë një bastisje të policisë në Rio de Zhaneiro, gjatë së cilës u zhvilluan përleshje të ashpra, thanë burimet zyrtare.

Operacioni në Villa Cruzeiro mëngjesin e sotëm, në të cilin morën pjesë edhe helikopterë, kishte për qëllim gjetjen dhe arrestimin e bosëve kriminalë, disa prej të cilëve janë nga vende të tjera, sipas një deklarate të policisë.

Shtohet se nga pjesëtarët e policisë është hapur zjarr, pas së cilës një banor i komunitetit favela është qëlluar dhe vrarë në vend, ndërsa mediat lokale raportojnë se ka qenë një grua 41-vjeçare e cila është goditur nga një plumb qorr.

Gjithashtu thuhet se pas të shtënave janë gjetur 11 persona të plagosur, të cilët janë dërguar në spitalin shtetëror aty pranë.

Me kalimin e ditës, më shumë viktima me armë zjarri u sollën në të njëjtin spital, disa prej të cilëve tashmë kishin vdekur.

Shërbimi i Urgjencës konfirmoi 21 të vdekur dhe shtatë të plagosur, njoftoi Sekretariati Shtetëror i Shëndetësisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat