Presidenti indonezian i përcjell Putinit mesazh nga Zelensky

Bota

Presidenti indonezian i përcjell Putinit mesazh nga Zelensky

Më: 1 korrik 2022 Në ora: 07:54
Joko Widodo dhe Vladimir Putin

Presidenti i Indonezisë Joko Widodo takoi sot homologun e tij rus Vladimir Putin në Moskë.

Ai tha se gjatë takimit i përcolli Putinit një mesazh nga presidenti ukrainas, Volodymyr Zelensky, me të cilin u takua një ditë më parë në Kiev.

Unë i përcolla mesazhin e Presidentit Zelensky, Presidentit Putin”, tha Widodo pas bisedimeve në Moskë, raporton BBC.

Ai nuk zbuloi se për çfarë kishte të bënte mesazhi, por theksoi se ka shprehur “gatishmërinë” e tij për të ndihmuar në fillimin e komunikimit midis dy liderëve.

Widodo tha se Indonezia do të vazhdojë të bashkëpunojë me Rusinë, ndërkohë Putini u tha gazetarëve se Rusia është e gatshme të përmbushë nevojën e Indonezisë për plehrat, furnizimi i të cilave është prekur nga lufta në Ukrainë dhe sanksionet perëndimore.

Udhëheqësi indonezian është presidenti aktual i grupit të kombeve G20 dhe anëtar i një grupi krize të Kombeve të Bashkuara, i krijuar për të trajtuar kërcënimin e urisë globale që rezulton nga lufta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat