Tanket e dhuruara nga Britania e Madhe do të zbarkojnë në vijën e frontit të luftës në Ukrainë para verës, deklaroi Sekretari i Mbrojtjes Ben Wallace.
“Do të mbërrijnë para verës, ose në muajin maj ose në kohën e Pashkëve”- tha Sekretari britanik i Mbrojtjes.
Ai tha se për shkaqe sigurie nuk mund të tregojë se kur do të trajnohen forcat ukrainase për të përdorur tanket.
Javën e kaluar, Mbretëria e Bashkuar tha se plani i saj ishte që tanket të mbërrinin në Ukrainë deri në fund të marsit.
Qeveria britanike ka rënë dakord javën e shkuar të dërgojë 14 tanke ‘Challenger 2’ në Ukrainë për të ndihmuar Kievin të luftojë forcat ruse.
