​Rafuna priti ambasadorin e Turqisë, biseduan mbi rritjen e bashkëpunimit ekonomik

Ekonomi

​Rafuna priti ambasadorin e Turqisë, biseduan mbi rritjen e bashkëpunimit ekonomik

Më: 14 shtator 2022 Në ora: 18:04
Foto nga takimi

Kryetar i Odës Ekonomike të Kosovës, Lulzim Rafuna, priti sot në takim ambasadorin e Turqisë në Prishtinë Çağri Sakar, me të cilin bisedoi për bashkëpunimin mes bizneseve të dy vendeve dhe mundësive për rritjen e këtij bashkëpunimi.

Rafuna u shpreh i kënaqur me trendin pozitiv të bashkëpunimit ekonomik mes dy vendeve dhe u zotua për të kërkuar rrugë të reja për rritjen e investimeve të huaja direkte në vendin tonë.

“I vlerësojmë investimet e bizneseve turke si dhe përkrahjen dhe interesimin e vazhdueshëm për bizneset kosovare“, tha Rafuna.

Në takim u vlerësua edhe përmirësimi i eksportit të produkteve kosovare drejt shtetit të Turqisë, duke respektuar punën dhe suksesin e biznesit vendor ndër vite.

Duke parë Kosovën si vend strategjik dhe me potencial të madh, Rafuna dhe Sakar u zotuan për rritjen e një bashkëpunimi të qëndrueshëm në të mirë të ekonomisë vendore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat