Hasani: Kosova ka rritur eksportin me 40% për Gjermani

Ekonomi

Hasani: Kosova ka rritur eksportin me 40% për Gjermani

Më: 21 shtator 2022 Në ora: 13:08
Foto nga vendngjarja

Oda Ekonomike Gjermano-Kosovare, bashkë me Odën Ekonomike të Kosovës, Odën Amerikane dhe Këshillin e Investitorëve Evropian ka takuar misionin e Fondit Monetar Ndërkombëtar (FMN), të kryesuar nga zëvendës drejtori menaxhues të FMN, Bo Li.

Gjatë takimit me delegacionin, drejtoresha menaxhuese e Odës Ekonomike Gjermano-Kosovare, Nora Hasani, ka folur për zhvillimet e fundit në bashkëpunimin ekonomik gjermano-kosovar, duke theksuar rritjen e eksporteve nga Kosova në Gjermani prej 43% (periudha janar-korrik 2022, në krahasim me vitin paraprak) si dhe rritjen e investimeve direkte nga Gjermania për 55%, në vitin 2021.

Hasani informoi përfaqësuesit e FMN lidhur me rezultatet e Forumit Ekonomik Gjermano-Kosovar, të organizuar në fillim të korrikut, ku morën pjesë mbi 150 përfaqësues biznesi, duke përfshirë këtu 40 CEO të kompanive gjermane, në cilësi të investitorëve potencialë.

Gjatë këtij takimi u diskutua rreth zhvillimeve të fundit ekonomike në vend, dhe kërkesat e sektorit privat në përmirësimin dhe azhurimin e legjislacionit, që mundëson përmirësimin e klimës të së bërit biznes në Kosovë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat