Hoti: Takimet e Qeverisë me qytetarë për buxhetin e vitit 2023 janë farsë

Ekonomi

Hoti: Takimet e Qeverisë me qytetarë për buxhetin e vitit 2023 janë farsë

Më: 22 nëntor 2022 Në ora: 13:33
Avdullah Hoti

Qeveria e Kosovës nga sot ka filluar takimet me qytetarë për buxhetin e vitit 2023.

Lidhur me këtë ka reaguar ish-kryeministri Avdullah Hoti.

Ai, përmes një postimi në profilin e tij në rrjetin social Facebook, ka shpjeguar se më kënd do të duhej të mbaheshin takime.

Postimi i tij i plotë:

Takimet publike për buxhetin e vitit 2023, të cilat Qeveria paska filluar t’i mbajë nëpër qytete, janë farsë. Konsultimet për buxhet zakonisht mbahen para përgatitjes së buxhetit.

Konsultime për buxhet do të duhej të mbaheshin me biznese për mosrealizimin e investimeve kapitale. Konsultime do të duhej të mbaheshin me Kryetarët e Komunave për nevojat e tyre, të cilëve Qeveria po tenton tua marrë buxhetin nga të hyrat vetanake të viteve paraprake. Para përgatitjes së buxhetit do duhej të bisedohej me organizata buxhetore, të cilat për shkak të shkurtimeve buxhetore nuk kanë mundësi të ofrojnë shërbimet për të cilat janë të mandatuar, siç është rasti i RTK-së apo i universiteteve publike.

Si do të arsyetohet Kryeministri para qytetarëve për afër 700 mil euro që i mban në bankë pa nevojë, e nuk i rrit pagat e policëve, të mjekëve, të arsimtarëve, të shërbyesve civil etj., të cilëve u janë zvogëluar pagat për 20% për shkak të inflacionit?!

Si do të arsyetohet Ministri i Financa për 276 mil euro apo 9% e buxhetit total për 2023, të cilën shumë e mban të pashpërndarë në projekte, që është sa dyfishi i buxhetit të Ministrisë së Mbrojtjes?!

Si do të arsyetohen qeveritarët që sivjet nuk i realizuan projektet kapitale – as projektet në vazhdim e as të rejat që ishin projekte që vetë i planifikuan?!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat