Franca dhe Greqia nënshkruajnë një marrëveshje për mbrojtjen prej miliarda eurosh

Evropë

Franca dhe Greqia nënshkruajnë një marrëveshje për mbrojtjen prej miliarda eurosh

Më: 28 shtator 2021 Në ora: 19:54
Emmanuel Macron dhe Kyriakos Mitsotakis

Presidenti francez Emmanuel Macron u fotografua duke shtrënguar duart me kryeministrin grek Kyriakos Mitsotakis.

Presidenti francez ishte i buzëqeshur pasi siguroi një marrëveshje të re të mbrojtjes detare me Greqinë.

Franca do të furnizojë Greqinë me anije luftarake sipas një marrëveshjeje të re të mbrojtjes, njoftuan të dyja vendet të martën. Marrëveshja, e cila sipas informacioneve arrin në 3 miliardë euro, vjen pas humbjes së ashpër të Francës nga një marrëveshje e madhe e nëndetëseve me Australinë.

Si pjesë e marrëveshjes, Greqia do të marrë tre fregata Belharra të prodhuara në Francë me një mundësi për të blerë një më shumë.

Gjatë ceremonisë së nënshkrimit me kryeministrin grek Kyriakos Mitsotakis, Presidenti francez Emmanuel Macron tha se prishja e fundit e marrëveshjes së nëndetëseve me Australinë në favor të Shteteve të Bashkuara nuk do të ndikojë në strategjinë e Francës për rajonin e Indo-Paqësorit.

Image

 

"Ne kemi 1 milion bashkëqytetarë që jetojnë në këtë rajon dhe mbi 8.000 ushtarë të vendosur atje," tha Macron, duke iu referuar pranisë së Francës në disa territore ekstraterritoriale në rajon.

Macroni i kërkon Evropës ‘të mos jetë naive'

Udhëheqësi francez e quajti vendimin e Athinës për të blerë anijet "një shenjë besimi" në industrinë mbrojtëse të Francës.

Ai tha se marrëveshja ishte pjesë e një "partneriteti strategjik" më të thellë midis dy vendeve për të mbrojtur interesat e tyre të përbashkëta në Mesdhe.

"Evropianët duhet të pushojnë së qeni naivë. Kur ne jemi nën presionin e fuqive, të cilat ndonjëherë ngurtësojnë [qëndrimin e tyre], ne duhet të reagojmë dhe të tregojmë se kemi fuqinë dhe kapacitetin për të mbrojtur veten. Jo duke përshkallëzuar gjërat, por duke mbrojtur veten,", tha Macroni.

Macron ka këmbëngulur prej kohësh që Evropa të zhvillojë aftësitë e veta mbrojtëse dhe të largohet nga mbështetja në teknologjitë e prodhuara nga SHBA.

Greqia do të ruajë bashkëpunimin me SHBA

Mitsotakis vlerësoi marrëveshjen e re të vendit të tij me francezët, por la të kuptohej se vendi i tij nuk donte të ngatërrohej në tensionet aktuale të BE me Uashingtonin për shkak të grindjes së nëndetëseve australiane.

Kryeministri grek tha se marrëveshja nuk do të prekë një marrëveshje bashkëpunimi SHBA-Greqi të mbrojtjes aktualisht në diskutim e sipër.

Marrëveshja "nuk është antagoniste" për marrëdhëniet greko-amerikane, tha ai.

"Sot është një ditë historike për Greqinë dhe Francën. Sot, me Presidentin Macron ne kemi vendosur të përmirësojmë bashkëpunimin tonë dypalësh të mbrojtjes," tha Mitsotakis.

Ai tha se marrëveshja përfshin "mbështetje reciproke" dhe "veprim të përbashkët në të gjitha nivelet", megjithëse nuk u dhanë detaje financiare të kontratës.

Image

 

Muajin e kaluar, Australia hoqi dorë nga një marrëveshje nëndetësesh prej 32.8 miliardë eurosh me Francën, në favor të anijeve amerikane me energji bërthamore. Parisi tha se ishte gjetur papritur nga marrëveshja e re./DW

Shfaq komentet
comments powered by Disqus
Sot mund të lexoni Shfletoni kopertinat