(E plotësuar 20:15) - Një i dyshuar është arrestuar pasi dy oficerë policie u qëlluan për vdekje gjatë një ndalimi trafiku rutinë në Gjermani.
Oficerët ndaluan një automjet në rrethin Kusel në Rheinland-Pfalz, shtet afër kufirit francez.
Një oficer 29-vjeçar dhe një oficere 24-vjeçare janë qëlluar për vdekje në vendngjarje.
Duke njoftuar arrestimin e një 38-vjeçari, policia tha se po mbante përkohësisht edhe një burrë të tjetër, 32 vjeç, në kërkim për bashkëpunëtorët e mundshëm.
Gazeta gjermane Bild raporton se oficerët dërguan dy mesazhe zënore nga rruga. Në të parën, oficerët thonin se kishin ndaluar një automjet të dyshimtë dhe kishin zbuluar gjahun e ngordhur në bagazh.
Një mesazh i dytë pasoi menjëherë pas, “Po na qëllojnë!” thuhet se oficerët thanë, përpara se kontakti me radio të ndërpritet.
Në kohën kur mbërritën përforcimet, oficerja ishte tashmë e vdekur, raportojnë mediat lokale. Derisa kolegu i saj vdiq menjëherë pas saj.
Rrugët në zonë u mbyllën të hënën dhe autoritetet u kërkuan njerëzve që të mos merrnin personat që bëjnë autostop, shkruan BBC.
Disa detaje të ngjarjes janë të paqarta. Ende ka pak përshkrim të asaj që ndodhi në sulm dhe policia nuk ka dhënë detaje se cili mund të ketë qenë motivi.
***
Një oficer policie dhe një police ishin në një patrullë normale mbrëmjen e së hënës.
Ata thjesht po bënin punën e tyre. Por tani ata janë të dy të vdekur pasi u qëlluan me armë në një ndalesë trafiku.
Sipas mediave gjermane, incidenti ndodhi në shtetin gjerman të Rheinland-Pfalz në Kreisstrasse 22 në rrethin Kusel.
Ndërkohë mediat bëjnë të ditur se të dy vdiqën nga të shtënat me kokë.
Oficerët e policisë mund të kishin dërguar vetë një mesazh radio rreth orës 4:20 të mëngjesit, tha një zëdhënës i policisë.
Me të mbërritur përforcimet në vendngjarje, efektivja e policisë 24-vjeçare ishte veçse e vdekur, ndërsa pak kohë më pas vdiq edhe kolegu i saj (29).
Mesazhi i parë radiofonik ka qenë se kanë ndaluar një automjet të dyshimtë, shkruan “Bild”.
Më pas oficerët e policisë “vërejtën diçka të dyshimtë” në bagazh dhe tani do të kryenin një kontroll.
Menjëherë pas kësaj, papritmas pasoi mesazhi i dytë i radios: “Ata po qëllojnë mbi ne”.
Pastaj kontakti ndërpritet.
Siç shkruajnë tutje mediat gjermane, gruaja nuk duhet të kishte pasur mundësi të mbrohej.
Pistoleta e saj ishte ende në këllëf kur u gjet.
Mësohet se ajo ka vdekur nga një plumb në kokë.
Autori duhet të ketë qëlluar “tërësisht jashtë syrit”.
Në anën tjetër, polici 29-vjeçar ka arritur të nxjerrë armën.
Ai zbrazi të gjithën, por u godit gjithashtu në kokë.
“Bild” spekulon se pasagjerët e makinës mund të kenë qenë gjuetarë pa leje – sigurisht të armatosur.
Sipas sindikatës së policisë (GdP), 24-vjeçarja ishte ende në trajnim. Ajo studioi në akademinë e policisë.
GdP-ja ishte “thellësisht e tronditur dhe plot trishtim”, thotë faqja e internetit. “Mendimet tona janë me të afërmit dhe të dashurit e kolegëve që vdiqën si pasojë e një akti dhune në punë”.
