Dyshimet se shoferin e zuri gjumi! Si ndodhi aksidenti me 12 viktima, brenda autobusit me pelegrinë që po udhëtonin drejt Medjugorje

Evropë

Dyshimet se shoferin e zuri gjumi! Si ndodhi aksidenti me 12 viktima, brenda autobusit me pelegrinë që po udhëtonin drejt Medjugorje

Më: 6 gusht 2022 Në ora: 12:58
Foto ilustrim

Një autobus me targa polake është përfshirë në një aksident të rëndë në autostradën Zagreb-Goriçan mëngjesin e së shtunës.

Të paktën 12 persona humbën jetën dhe dhjetëra të tjerë u plagosën. Të aksidentuarit janë dërguar në spitale të ndryshme, ku po marrin trajtimin mjekësor të nevojshëm.

Sipas informacioneve aksidenti i rëndë ndodhi rreth orës 05:30. Në autobusin, i cili doli nga rruga dhe ra brenda një kanali, kishte pelegrinë që ishin nisur për në Medjugorje nga qyteti polak i Tomaszoë Mazowiecki, i cili është rreth 1350 km nga destinacioni përfundimtar.

Nuk ka ende të dhëna mbi shkaqet e aksidentit apo rrethanat në të cilat ka ndodhur, por paraprakisht dyshohet se shoferin e ka zënë gjumi në timon.

Policia shkoi në vendngjarje dhe po kryen hetimet. Ndërsa ekipet e zjarrfikësve bënë të mundur nxjerrjen e viktimave dhe të plagosurve nga autobusi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat