​Britani: Adoleshentët vranë brutalisht një të sëmurë, dënohen me burg të përjetshëm

Evropë

​Britani: Adoleshentët vranë brutalisht një të sëmurë, dënohen me burg të përjetshëm

Më: 28 shtator 2022 Në ora: 23:07
Jack Hindley dhe Samuel Jones

Dy adoleshentë që fillimisht u miqësuan me një të sëmurë dhe më pas e goditën me thikë për vdekje në shtëpinë e tij, janë dënuar me burgim të përjetshëm.

Jack Hindley dhe Samuel Jones, të dy 17-vjeçarë, vranë 35-vjeçarin Edward Reeve në Christchurch më 31 dhjetor.

Adoleshentët fillimisht e kanë ofenduar viktimën në sy të miqve të tyre, e më pas e kanë goditur tetë herë me thikë. Pas kësaj ata kanë brohoritur njëri-tjetrin për vrasjen.

Hindley dhe Jones u shpallën fajtorë për vrasje dhe secili u dënua me burgim të përjetshëm me një afat minimal prej 18 vjetësh, shkruan BBC.

Reeve vuante nga skizofrenia dhe luftoi për t'u kujdesur për veten në mënyrë të pavarur.

Dy ditë pasi takoi Hindley dhe Jones, ai i ftoi ata në shtëpinë e tij për të pirë marihuanë e pije së bashku, por ai nuk e dinte se adoleshentët në të vërtetë synonin ta poshtëronin dhe ofendonin para shoqeve të mitura femra të cilat i kishin sjellë me vete.

Pasi mbërritën në vendin e tij, Hindley dhe Jones e quajtën Reeve një fanatik, e ofenduan për vrimat në çorape dhe hapën vrima në muret e dhomës së tij të regjistrimit. Kur vajzat u larguan, ata sulmuan Reeve me një thikë.

Gjykatësi tha se dëshmitarët panë adoleshentët festues duke shtrënguar duart, duke qeshur dhe duke u përqafuar me njëri-tjetrin përpara se të mburreshin me emocione te miqtë për vrasjen.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat