Polonia premton dërgesa të naftës në Gjermani nëpërmjet Gdanskut

Evropë

Polonia premton dërgesa të naftës në Gjermani nëpërmjet Gdanskut

Më: 1 dhjetor 2022 Në ora: 23:17
Foto nga takimi

Për herë të parë, Polonia ka premtuar dërgesa të naftës së papërpunuar në Gjermani përmes Gdanskut sipas një marrëveshjeje të nënshkruar sot nga ministri gjerman i Ekonomisë Robert Habeck dhe ministrja polake e Mjedisit, Anna Moskwa.

Nafta do të dorëzohet në rafinerinë PCK në Schwedt, në shtetin lindor gjerman të Brandenburgut.

Rruga e furnizimit nëpërmjet Polonisë ka një rëndësi të madhe për Schwedt dhe furnizimin e Gjermanisë Lindore. Rafineria PCK deri më tani furnizohej me naftë ruse nga gazsjellësi “Druzhba”. Gjermania kërkon ta ndalojë furnizimin më 1 janar dhe po kërkon urgjentisht alternativa të reja.

Duke qenë se vëllimi i gazsjellësit nga Rostock në Schwedt nuk është i mjaftueshëm, nevojiten sasi shtesë. Qeveria gjermane ka punuar prej muajsh për të nxitur Poloninë të furnizojë Schwedtin përmes Gdanskut.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat