Presidenti ukrainas Volodymyr Zelensky vizitoi të hënën ushtarët e plagosur ukrainas që po trajtohen në Nju Jork, disa orë para fjalimit të tij të planifikuar në Asamblenë e Përgjithshme të Kombeve të Bashkuara.
Në vizitën e tij të parë në selinë e Kombeve të Bashkuara në Nju Jork që nga fillimi i pushtimit rus në shkurt 2022, Zelensky do t’u drejtohet sot krerëve të shteteve dhe qeverive që marrin pjesë në sesionin e 78-të të Asamblesë së Përgjithshme të Organizatës.
Menjëherë pas mbërritjes në Nju Jork, Zelensky shkoi në Spitalin Universitar të Staten Island, ku trajtohen ushtarët ukrainas të plagosur në luftë.
Zelensky arrives in US, visits a hospital ahead of UN General Assembly pic.twitter.com/a29dOkg82u
— Paul Healey 🇺🇦🇨🇦 🧙 (@Ukraine_Oracle) September 18, 2023
Pas përfundimit të vizitës në Nju Jork, presidenti i Ukrainës do të shkojë në Uashington ku do të takohet me homologun e tij amerikan Joe Biden dhe anëtarë të Kongresit Amerikan, ndërsa pritet të zhvillojë bisedime me zyrtarë të forcave të armatosura amerikane dhe biznesmenë.
