Ferizaj shënoi 30 Dhjetorin – Ditën e Veteranit të UÇK-së - Bota Sot
Ferizaj shënoi 30 Dhjetorin – Ditën e Veteranit të UÇK-së

Ferizaj

Ferizaj shënoi 30 Dhjetorin – Ditën e Veteranit të UÇK-së

Më: 30 dhjetor 2019 Në ora: 13:07
Agim Aliu

Me homazhe në Kompleksin e Varrezave të Dëshmorëve të Ushtrisë Çlirimtare të Kosovës në Ferizaj, u përkujtua sakrifica e gjaku që dhanë bijtë e bijat më të shtrenjta të kombit në luftën tonë çlirimtare, sot, në shënim të Ditës së Veteranit të Ushtrisë Çlirimtare të Kosovës.

Ishte kryetari i Komunës së Ferizajt, Agim Aliu që bashkë me deputetët e Kuvendit të Kosovës, Elmi Reçica dhe Gazmend Bytyqi, drejtorë komunal, drejtues të OVL – UÇK-së në Ferizaj, bashkëluftëtarë, familjarë të dëshmorëve, përfaqësues të jetës publike institucionale në Ferizaj, drejtues të Forcës së Sigurisë së Kosovës dhe Policisë së Kosovës të cilën bënë homazhe, vendosën lule e u përkulën pranë lapidarit të Dëshmorëve të Kombit në Ferizaj.

Fjalët më të zgjedhura, kujtimet më krenare e nderim të pafund, Ferizaj si edhe çdo pëllëmbë e Kosovës ka për dëshmorët dhe martirët e lirisë.

Me organizimin e Organizatës së Veteranëve të Luftës së UÇK-së, si tashmë çdo vit, me shënimin e Ditës së Veteranit, nderohet jeta, vepra, kontributi e sakrifica e gjithë luftëtarëve për lirinë e Kosovës.

Shfaq komentet
comments powered by Disqus
Sot mund të lexoni Shfletoni kopertinat