Aliu: Pas vdekjes nga Coronavirusi të 65-vjeçarit nga Ferizaj, po hulumtohen kontaktet e tij - Bota Sot
Aliu: Pas vdekjes nga Coronavirusi të 65-vjeçarit nga Ferizaj, po hulumtohen kontaktet e tij

Ferizaj

Aliu: Pas vdekjes nga Coronavirusi të 65-vjeçarit nga Ferizaj, po hulumtohen kontaktet e tij

Më: 7 prill 2020 Në ora: 15:21
Agim Aliu

Kryetari i komunës së Ferizajt, Agim Aliu, ka thënë se po punohet për të identifikuar personat të cilët kanë pasur kontakt me viktimën i cili vdiq dje dhe sot rezultoi se ishte me Coronavirus.

“Profesionistët shëndetësor kanë nën kontroll situatën, po punohet vazhdimisht në identifikimin e personave eventual të kontaktit dhe masave kontrolluese e mbrojtëse për familjen e të ndjerit e të afërmve”, ka shkruar Aliu.

Ai ka shprehur ngushëllime për familjen e të ndjerit dhe kërkon që qytetarët të vazhdojnë të kenë kujdes.

Statusi i plotë i tij:

Mbrëmë ka ndërruar jetë qytetari I.Sh nga fshati Sazli, pas komplikimeve të rënda kardio-pulmonare e që sot pas testit që iu nënshtrua mbrëmë, rezultoi pozitiv me virusin COVID-19. Profesionistët shëndetësor kanë nën kontroll situatën, po punohet vazhdimisht në identifikimin e personave eventual të kontaktit dhe masave kontrolluese e mbrojtëse për familjen e të ndjerit e të afërmve.

Është momenti i fundit kur duhet të bëjmë kujdes maksimal, mos dilni pa arsye, mbroni shëndetin tuaj e të familjes. Ngushëllime familjes e të njohurve të të ndjerit e lutje për kujdes bashkëqytetarëve.

Shfaq komentet
comments powered by Disqus
Sot mund të lexoni Shfletoni kopertinat