E pazakontë në Ferizaj, ceremonia e varrimit bëhet në oborr të shkollës

Ferizaj

E pazakontë në Ferizaj, ceremonia e varrimit bëhet në oborr të shkollës

Më: 16 maj 2021 Në ora: 07:23
Ferizaj

Të premten, në oborrin e Shkollës Fillore të Mesme të Ulët “Vezir Jashari”, në Ferizaj ndodhi një ngjarje e pazakontë.

Në fushën e futbollit zuri vend një ceremoni fetare, meqë ky objekt shkollor i ndërtuar në vitin 2007 gjendet pranë varrezave të vjetra të qytetit.

Kjo ngjarje që ndodhi në prani të nxënësve e irritoi drejtoreshën e shkollës e cila edhe e raportoi situatën.

“Ky veprim duhet të dënohet nga organet kompetente, sepse oborri i shkollës duhet të përdoret vetëm nga nxënësit për të cilët edhe është i destinuar”, tha Zyhrija Vata.

Rastin e sheh si të papranueshëm edhe Drejtori i Arsimit në këtë komunë.

“Pamja e djeshme është pamje që edhe neve na ka shqetësuar, është dicka që është treguar e papërgjegjshme qoftë familja e të ndjerit apo ata që kanë marrë pjesë në varrim, sepse është dashur të kërkohet leje”, ka deklaruar drejtori i Arsimit, Afrim Llabjani.

Image

Ndërsa, nga Këshilli i Prindërve në Ferizaj thanë përmes telefonit se gjatë të hënës do të mblidhen për të diskutuar për këtë çështje e më pas do të dalin me një vendim.

Shfaq komentet
comments powered by Disqus
Sot mund të lexoni Shfletoni kopertinat