Kompania për Distribuimin e Energjisë Elektrike në Kosovë (KEDS) ka njoftuar për ndërprerjen e energjisë elektrike në Ferizaj, si pasojë e dëmeve të shkaktuara nga erërat e forta në infrastrukturën energjetike.
Sipas njoftimit të KEDS-it, ndërprerja po bëhet me kërkesë të Policisë së Kosovës, si masë preventive për të garantuar sigurinë e qytetarëve.
“Kjo ndërprerje është si masë preventive me qëllim sigurinë e përgjithshme të qytetarëve”, thuhet në njoftim.
KEDS ka bërë të ditur se ekipet e saj janë në terren dhe po veprojnë në koordinim me institucionet përkatëse për menaxhimin e situatës.