Tejkaloi në vijë të plotë, kapet në flagrancë nga policia shoferi në Ferizaj

Ferizaj

Tejkaloi në vijë të plotë, kapet në flagrancë nga policia shoferi në Ferizaj

Më: 8 janar 2022 Në ora: 21:11
Foto ilustrim

Është kapur në flagrancë nga policia një shofer në Ferizaj duke tejkaluar në vijë të plotë një veturë.

Të njëjtit i është shqiptuar një gjobë sipas ligjit të komunikacionit rrugor, derisa rasti është incizuar nga policia.

“Policët nga Njësia Rajonale e Komunikacionit Rrugor të Ferizajt, kanë marrë veprimet e nevojshme policore dhe kanë ndaluar personin i cili me automjetin e tij të udhëtarëve shkaktoi kundërvajtje në komunikacion “Tejkalim në vijë të plotë”,” thuhet në një postim në Facebook të policisë.

Tutje, bëhet apel tek shoferët që të respektojnë rregullat e komunikacionit dhe ftohen qytetarët të bashkëpunojnë me policinë, për të gjitha kundërvajtjet që mund të shkaktohen në komunikacion.

“Të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406. Të dhënat e juaja do të ruhen në konfidencialitet të plotë.”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat