Ferizaj: Qytetari vret qenin endacak pasi tentoi ta sulmonte një fëmijë

Ferizaj

Ferizaj: Qytetari vret qenin endacak pasi tentoi ta sulmonte një fëmijë

Më: 23 maj 2022 Në ora: 14:25
Foto ilustrim

Një qytetar e ka vrarë një qen endacak.

Rasti ka ndodhur në fshatin Slivovë të Ferizajt, të dielen rreth orës 17:30.

Siç njofton policia, qeni kishte tentuar që ta sulmonte një fëmijë të vëllait të të dyshuarit.

Me këtë rast i dyshuari shkon në shtëpi dhe e merr pushkën e gjuetisë të cilën e kishte pa leje dhe e qëllon dy herë qenin.

Personit të dyshuar i konfiskohet pushka e gjuetisë dhe pas intervistimit me urdhër të prokurorit kujdestar, rasti procedohet në procedurë të rregullt.

“PËRDORIM I ARMËS & ARMËMBAJTJE PA LEJE /Fsh. Slivovë, Ferizaj, 22.05.2022 – 17:30. I dyshuari mashkull kosovar deri sa kishte qenë së bashku me një fëmijë te vëllait te tij para shtëpisë së tij, një qen endacak kishte tentuar që të sulmoj fëmijën. I dyshuari nga shtëpia kishte marrë një pushkë gjuetie të cilën e kishte pasur pa leje dhe kishte shtënë dy herë në drejtim të qenit të cilin e kishte vrarë. Në vendin e ngjarjes janë gjetur dy gëzhoja te fishekëve dhe nga i dyshuari është konfiskuar pushka e gjuetisë. Pas intervistimit, me urdhër të prokurorit kujdestar, rasti procedohet në procedurë të rregullt”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat