E privoi nga jeta 30 vjeçarin në qytetin e Ferizajt, Prokuroria ende pa aktakuzë për Januzin

Ferizaj

E privoi nga jeta 30 vjeçarin në qytetin e Ferizajt, Prokuroria ende pa aktakuzë për Januzin

Më: 7 gusht 2022 Në ora: 19:07
Gazmend Hyseni që dyshohet se u qëllua me armë nga i dyshuari Qëndrim Januzi.

Prokuroria Themelore në Ferizaj ende nuk ka ngritur aktakuzë për vrasjen e 30-vjeçarit Gazmend Hyseni, që dyshohet se u qëllua me armë nga i dyshuari Qëndrim Januzi.

Gjykata Themelore në Ferizaj, më 28 maj 2022 ka pranuar kërkesën e prokurorisë për caktimin e paraburgimit ndaj të dyshuarit për vrasje të rëndë, Qëndrim Januzi, të cilin sipas detyrës zyrtare e mbron avokati Kastriot Zenuni.

Ndërsa, më 30 maj 2022 gjykata e lartcekur ka caktuar paraburgim ndaj të dyshuarit Januzi në kohëzgjatje prej 1 muaji.

Kurse më 23 qershor Gjykata Themelore e Ferizajt ka vazhduar paraburgimin ndaj të dyshuarit Qëndrim Januzi, në kohëzgjatje prej 2 muajve, i cili do të llogaritet nga data 23 qershor 2022 deri më 21 gusht 2022.

Sipas Prokurorisë Themelore në Ferizaj, lidhur me rastin në fjalë, në momentin e ngritjes së aktakuzës, opinion publik do të njoftohet me kohë.

Sipas raportit të policisë, “I dyshuari mashkull kosovar ka shtënë me armë zjarri në drejtim të viktimës mashkull kosovar, i cili ka mbetur i vdekur. Një zyrtar policor në detyrë në rroba civile ka intervenuar dhe ka shtënë në drejtim të dyshuarit, ku i njëjti është plagosur”, thuhet në raport.

Gjithashtu, sipas raportit të policisë është bërë e ditur se i dyshuari për vrasjen e 30-vjeçarit, është plagosur nga një zyrtar policor në detyrë i cili ishte me rroba civile dhe ka intervenuar në momentin kur ka ndodhur vrasja, raporton “Betimi për Drejtësi”.

"Me vendim të Prokurorit lidhur me veprimet e zyrtarit policor do të marrin vendim Prokurori i rastit së bashku me IPK-në, ndërsa për veprimet tjera hetimore lidhur me vrasjen Sektori Rajonal i Hetimeve nga Drejtoria Rajonale e Policisë në Ferizaj. Si provë materiale nga vendi i ngjarjes janë konfiskuar dy armë zjarri, pistoleta dhe shtatë gëzhoja”, thuhej në njoftim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat