Tre vjet burg për dy shpërndarës droge - Bota Sot
Tre vjet burg për dy shpërndarës droge

Ferizaj

Tre vjet burg për dy shpërndarës droge

Më: 17 tetor 2018 Në ora: 11:48
Foto ilustrim

Gjykata Themelore në Ferizaj ka dënuar me 2 vjet burg të dyshuarin I.D për blerje, posedim, shpërndarje dhe shitje të paautorizuar të narkotikëve.

Po ashtu për të njëjtën vepër me një vit burg është dënuar edhe I.I.

I pandehuri I.D akuzohet se në muajin gusht në banesën e tij i është gjetur sasi e dyshuar narkotike e llojit marihuanë me sasi rreth 1.331 kg të ndara në tre qese dhe substancë e dyshuar narkotike e llojit kokainë me peshë 4.05 gramë.

I  pandehuri po ashtu ka pasur në posedim armën e tipit Zoraki, një karikator të revoles dhe gjashtë fishekë të cilat janë konfiskuar nga policia.

Ndërsa i pandehuri I.I akuzohet se në muajin gusht  në shtëpinë e tij gjatë kontrollit nga ana e policisë i janë gjetur sasi narkotike e llojit heroinë me peshë 2.33 gr.

 Kundër këtij aktgjykimi, palët kanë të drejtë ankese në afat prej (pesëmbëdhjetë) 15 dite nga dita e pranimit të aktgjykimit në formë të shkruar. Ankesa i drejtohet Gjykatës së Apelit në Prishtinë, përmes Gjykatës Themelore të Ferizajt.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test