Gjendja e sigurisë në Ferizaj e qetë dhe stabile - Bota Sot
Gjendja e sigurisë në Ferizaj e qetë dhe stabile

Ferizaj

Gjendja e sigurisë në Ferizaj e qetë dhe stabile

Më: 5 dhjetor 2018 Në ora: 15:36
Këshillit Komunal për Siguri në Bashkësi të Ferizajt

Këshillit Komunal për Siguri në Bashkësi të Ferizajt ka filluar me një minutë heshtje në nderim të jetës, veprës dhe kontributit për lirinë e Kosovës të Presidentit të 41-të të Shteteve të Bashkuara të Amerikës, George H.W Bush , i cili ndërroi jetë ditë më parë,.

Nënkryetari i Komunës së Ferizajt, Naim Ferati njoftoi anëtarët e këtij mekanizmi të sigurisë mbi përgatitjet që ka bërë komuna për festat e fund vitit, masat që janë ndërmarr me qëllim që të përballohet fluksi eventual i mërgimtarëve si dhe koordinimi më intensiv me organet e sigurisë dhe akterët tjerë që këto festa të kalojnë pa ndonjë ekses.

Komandanti i Stacionit Policor në Ferizaj, Imer Kaqara njoftoi se kohëve të fundit ndonëse janë shënuar rastet e grabitjeve, përkatësisht veprave penale kundër pasurisë, gjendja e sigurisë përgjithësisht është e qetë dhe stabile.

Në këtë takim u diskutuan edhe disa sfida të tjera të sigurisë siç janë shitja e paautorizuar e mjeteve piroteknike, rritja e kontrollit nga Inspektorati Komunal për ndalimin e shitjes së alkoolit, siguria në komunikacion, mungesa e higjienës dhe siguria në shkolla, qentë endacak, për të cilat ekzekutivi komunal u zotua se kanë marr të gjitha masat në këtë drejtim me qëllim të përmirësimit të gjendjes në këto fusha.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test