Zhgënjimi në garën e Brazilit, ku Lewis Hamilton me Mercedes triumfoi duke lënë pas Max Verstappen me Red Bull, ka futur në panik makinën austriake.
Risitë e aplikuara te makina gjermane duket se dhanë efekt në pistën e Interlagos, ndërkohë që këtë fundjavë do të garohet në Katar.
“Me atë motor të ri që solli Mercedes në Brazil, shpejtësia në pjesën e drejtë ishte vërtet mahnitëse. Max nuk mundi të bënte asgjë për t’u mbrojtur, pasi dukej qartë që Mercedes ishte 30km/orë më i shpejtë se Red Bull.
Na vjen keq që humbëm, pasi ishim të parët në 75% të garës”, tha Chris Horner, drejtori sportiv i Red Bull.
“Tani na duhet të analizojmë gjithçka shpejt dhe të reagojmë për garën e radhës, pasi kemi përpara një pistë të shpejtë. Mendoj se do të sjellim një makinë të shpejtë, që të rivalizojë në pistë, duke i dhënë mundësi Max dhe Sergio të duelojnë për fitore”, u shpreh Horner.
